1. Առաջին տեսախաղը OXO-ն էր, որը ստեղծվել էր 1952 թվականին մի պրոֆեսորի՝ Սենդի Դուգլասի կողմից։ Խաղում դուք խաղում եք որպես X կամ O համակարգչի դեմ։ Ձեր նպատակն է ստանալ 3 X-ով կամ O-ով ուղիղ գիծ 3×3 ցանցի վրա՝ միաժամանակ համակարգչին թույլ չտալով այդ անել։
2․ Առաջին խաղը, որը եռաչափի տպավորություն էր թողում ուներ, Battlezone-ն էր։ Այն թողարկվել էր Atari-ի ընկերության կողմից 1980 թվականին արկադային խաղային մեքենաների համար: Դա ոչ միայն առաջին եռաչափ տեսքով խաղն էր, այլ նաև առաջին եռաչափ տեսքով խաղը, որը դիտվում է մասնակցի տեսանկյունից: Խաղում խաղացողի կողմից կառավարվում եր մի տանկ, որի վրա հարձակվում էին հրթիռներ և այլ տանկեր։
3․ Առաջին իրականում եռաչափ խաղը Super Mario 64-ն էր։ Այն առաջին անգամ թողարկվեց Ճապոնիայում Nintendo-ի կողմից 1996 թվականի հունիսի 23-ին, իսկ մի քանի ամիս անց ԱՄՆ-ում և Եվրոպայում։ Այն նաև առաջին եռաչափ նավիգացիայի փորձն էր տեսախաղերում։ Այս խաղում խաղացողը Մարիոյին օգնում էր հավաքել աստղ-միավորներ և արքայադուստր Փիչին փրկել Բաուզեր հրեշից։
4․ Աշխարհում ամենաշատ գումար վաստակած խաղը Minecraft-ն է, որից աշխարհում վաճառվել է մոտ 238 միլիոն օրինակ։ Այն պատրաստվել է 2009 թվականին Mojang ընկերության կողմից, որը ներկայումս պատկանում է Microsoft-ին։ Minecraft-ը անծայր աշխարհով ազատ խաղ է, որտեղ դուք կարող եք ցանկացած բան կառուցել խորանարդներից, պայքարել հրեշների դեմ և ուսումնասիրել աշխարհը։
5. Ամենահայտնի հայկական խաղը Shadowmatic-ն է։ Այն ստեղծվել է 2015 թվականին հայկական Triada ընկերության կողմից։ Նույն թվականին արժանացել է մրցանակի Apple ընկերության կողմից լավագույն դիզայնի համար։ Խաղի նպատակն է ցանկացած մարմին թեքել այնպիսի ուղղությամբ, որ այդ մարմնի ստվերը նման լինի լիովին այլ մարմնի։