«Անտեսանելի մարդը» վեպը առաջին անգամ հրատարակվել է 1897 թվականին։ Այն համարվում է Հերբերտ Ուելլսի լավագույն ստեղծագործություններից մեկը, և դրանով դարձավ գիտա-ֆանտաստիկ գրականության հայրերից մեկը։ Գրքում խառնված են զվարճալի, ողբերգական և հետաքրքական հատվածները։ Այն մի փայլուն գիտնականի պատմությունն է, ով բացահայտում է անտեսանելիության գաղտնիքը, սակայն նրա բացահայտած ուժը քանդում է նրա մեծ երազանքները, և հասցնում նրան խելագարության և սպանությունների։
Գիրքը սկսվում է Արևմտյան Սասեքսում: Մի հանելուկային մարդ՝ Գրիֆին անունով, ժամանում է մի քաղաք, որտեղ նրան ոչ ոք չի ճանաչում։ Նա փաթաթված է վիրակապով, հագած է երկար վերարկու, ձեռնոցներ, լայնեզր գլխարկ և մուգ ակնոցներ: Հաստատվելով միստր և միսիս Հոլի պանդոկում՝ նա շարունակում է աշխատել իր սենյակում ցերեկը, միայն գիշերը հեռանալով։
Գրիֆինի յուրօրինակ սովորությունները նրան արագորեն դարձնում են քաղաքի խոսակցությունների առարկա: Վիճաբանության ժամանակ նրան ստիպում են հեռանալ պանդոկից՝ առանց իր գիտական սարքավորումների և նոթատետրերի։ Գրիֆինը չի կարողանում վերականգնել իր տեսանելիությունը, որի պատճառով աստիճանաբար ավելի է հեռանում հասարակությունից։
Ես չեմ ուզում պատմությունն ավելին պատմել՝ այն կարդալ ցանկացողների հաճույքը չփչացնելու համար: Որպես գիտաֆանտաստիկ գրականության լավագույն պատմություններից մեկը՝ «Անտեսանելի մարդը» նույնքան հետաքրքիր է և ժամանակակից այսօր, որքան հարյուր տարի առաջ:
Պատմության խրատն այն է, որ շատ մարդիկ մեծ բաների մասին են երազում, բայց երբեմն դրանք միշտ չէ, որ լավն են: Գրիֆինի՝ անտեսանելի դառնալու գաղափարը երկար ժամանակ մշակված գաղափար էր, բայց երբ նրան վերջապես հաջողվեց դառնալ անտեսանելի, իրականում դա այնքան էլ դուր չեկավ: Պատմությունը նաև ցույց է տալիս, որ գիտական առաջընթացը կարող է դժբախտության աղբյուր դառնալ գիտնականի համար և ողբերգություն պատճառել մարդկանց:
«Անտեսանելի մարդը» վեպով նկարահանվել է ավելի քան 40 ֆիլմեր և հեռուստասերիալներ, ստեղծվել կոմիքսներ։ Շատ գրողներ և կինոռեժիսորներ ստեղծել են նաև վեպի շարունակություններ: Անտեսանելիության գաղափարը, որը սկիզբ է առել հունական լեգենդներից, նոր կյանք է ստացել այս գրքով, որը շատերին ոգեշնչել է ավելի զարգացնել գաղափարը և ստեղծել նոր ստեղծագործություններ։
![Amazon.com: The Invisible Man (1933) [DVD] : Claude Rains, Gloria Stuart, William Harrigan, Dudley Digges, Una O'Connor, Henry Travers, Forrester Harvey, James Whale, Carl Laemmle, Jr., R.C. Sherriff: Movies & TV](https://m.media-amazon.com/images/I/91qVZAHhKiL._SY445_.jpg)
Գիտական ճշգրտություն
Գիտնականները նշել են, որ գիտական տեսանկյունից Գրիֆինի մեթոդով անտեսանելի դարձած մարդը պետք է կույր լիներ, քանի որ մարդու աչքը աշխատում է կլանելով մտնող մտնող լույսը, ոչ թե թողելով, որ այն ամբողջությամբ անցնի: Ուելսը, կարծես, որոշակիորեն գիտակցում է այս խնդրի մասին և գրքում անտեսանելի դարձած կատվի աչքերը պահպանում են տեսանելի ցանցաթաղանթները: Այնուամենայնիվ, դա անբավարար կլինի, քանի որ ցանցաթաղանթը ողողված կլինի լույսով (բոլոր կողմերից), որը սովորաբար արգելափակվում է ակնագնդի անթափանց սպիտակուցով:
Դավիթ Ապիտոնյան 